ارشدوني ارجوكم كرامتي لا تسمحلي

 وصلت الى موقع العرب، هذه الرسالة من شاب يطلب نشر رسالته وارشاد الزوار الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:

"بعد التحيه والسلام بدي اطرح عليكم يا جماعا مشكلتي وبتمنا انو تعطوني النصيحه بكل صدق وامانه بتبدا موشكلتي باول السني الدراسيه يعني اول ما شفت عينيها عنين ينت اللهم صلي على سيدنا محمد فاتت على قلبي غصب عني كيف وليش مش عارف حبيتها حب جنون مع اني لاسباب سابقة كنت حالف يمين ما احب بعد ما صار معي اشي حطمني بس يا جماعه مش بايدي الشغلي حبيتها كيف لحد هسا مش عارف والي زاد هاذا الاشي انها بتختلف عن غيرها خصوصا معي يعني وهي تحكي معي نظراتها حكيها العفويه الي عندها.....الخ المهم اتطورت العلاقه بينا بس من دوون ما اقول اني بحبها يعني صرنا اصحاب كثير كثير حتل انو الشاطر الي صار ايشك انو منحب بعض بس انا كان عندي سبب الي منعني اني اعترفلها بحي الها يمكن خوف من انو يتكرر معي الي صار بالماضي ولما شكت هي بالامر وواجهتني(انهبلت) وقلت لع عن عقلك بس من جواتي بصرخ وبقول اه اه والف اه بحبك ومضت ايام وراها ايام واحنا سمني على عسل نتزاعل ونتراضا بسرعا وانا عارف انها ما بتحبني ولا يمكن يجي يوم تحبني وطبعا في سبب بس برضوو ظليت ماسي بهاي الطرق قلت بعقلي بكفي انها معي كصديقه واخت بلاش اخسرها واعترفلهاا يعني هيك اضمن بس برضو قلبي ما طاوعني وصرت كل ما بدي اجي اعترفلها اسمع منها حكي يمنعني طبعا هي مش قصدها بس طوالي انا بفهم وهاليام بتمشي يوم ورا يوم ويوم من الايام حسيت انها ضاعت مني لاول مرا ببكي على بنت بكييييت كثير بس بالخر قلت لليش ابكي مهو من الاساس مش الي بس ربنا رجعلي اياها يمكن دموعي شفعتلي عندو بعد قترا اغلط وقلت كدام بنت اني بحب فلانه وللاسف راحت قاتلها فلان بحبك وقامت لقيامه وما قعدت زعلت مني ليش ما اعترفت من الاول ليش اكذب عليها مع انو السبب واضح خوف ما اخسرها واجرحها وحكتلي حكي جرحني كثيير اخ شو بوجعني جرح غمييق ما توقعت منها تعمل هيك تحطمت من جديد بس بسرعا استعدت قوتي وكملت حياتي عادي وهي بعد فترا رجعت تحكي معي عادي بس انا لع ما بحكي معها الى الضروري وكثير بفنسها صح بتوجع لما افنسها بس ما بعرف كرامتي انهانت كثيير وفي بنت من صاحباتها بدها ايانا نتصالح وبتعمل المستحييل عشان تصالحنا بس جماعا انا مش عارف شو اعمل اصالحا ولا لع بطلت اغدر اهين كرامتي اكثر من هيك وبديش اعلق حالي بامل كاذب انا بدي البنت الي لحالي ومش لحدا غيري اعيش معها عمري كلو لحد ما اموت بس عارف انو هاذا درب من المستحيل بس اذا صالحتها بكسبها شويت وقت حدي قولولي شو اعمل اصالحها ولا انساها لع شو انساها بموت ولا انساها ما بغدر انساها اساسن (كل انسان مكتوب على قلبو الله انا مكتوب على قلبي اسمها انساها كال) بس كرامتي بطلت تسمحلي شو اعمل مشان الله تساعدوني وشكرا سلفا.