احترت.. مرة عقله غربي ومرة شرقي

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم و يسعد صباحكون... انا بصراحه كنت فوت عل الموقع و اقراء مشاكل هل الناس كنت احيانا هز براسي و احيانا كنت اقول,يييي يا لطيف,و هلأ جاي اخود نصيحا منكم,اولا سامحوني لانو كتابتي بلغه العربيه ضعيفه, انا عايشه في المانيا مع اهلي من 18 سنه ,من 8 سنين تعرفت على شب مغربي ,اي بعرف شو عم تفكرو,مغغغربي؟؟ المهم كل واحد فينا مر بتجربه صعبه هو كان متطلق و عندو ولاد ولادو عند امهن,اهلي بلأول رفضو بس بعد ما اتعرفو عليه وافقو,نحنا اتزوجنا من 4 سنين و بعد الزواج لحظة انو عندو متل عقده او ضعف شخصيه و الله مابعرف شو سميها,يوم عقلو اوربي و يوم شرقي,و الي يحلالو بس,انا احترة كيف اعيش معاه,مع انو صرلي اكثر منو بهل البلد بس الحمد لله نحنا عائله حافظة على عادات و تقاليدها,يعني مثال,انا بشتغل اذا اتاخر عن البيت بسبب الشغل ما كان يفتح تمو,بس اذا كنت بدي روح لعند اي حدا من صحابي كان يفضحني....بعد ضرب و بهدله و زل و تقليع وو..كل مااوصل على بيت اهلي يندم و يبكي و يترجا الكل و كنت ارجعلو.المشكله انو الحب موجود من الطرفين بس سبحان الله اول ما نرجع لبعض بعد شهر او 2 ترجع المشاكل .اخر مره تركت فيها البيت حلف بابا اذا يرجع يقلعني من البيت ما ارجعلو, كمان رجع و ما ترك حدا خله يحكي مع اهلي انو ارجع..ما حدا وافق و لا حتى انا,وعدني انو يروح يتعالج ويتغيير و و ووو...مع هل حكي و لبين ا قدرت اقنع امي مو ابي بس امي ما ضل حدا لا حدا,المهم بل أخر مع انو اهلي ما كانو مقتنعين بس وافقو مشاني,و مضى هل حكي سنتين ..و هلأ من 4 اشهور رجعنا لبعض الحمد لله كنت مبسوطه ,بعرف طولت عليكون اسفه كتير.

صورة توضيحية فقط!

مشكلتي يا جمعا انو بعد كل هل الشي اتحملتو مع هل انسان و الي فكري انو لو شو ماصار ضل واري و بدو ياني,من شهر شفت رسالة حب من وحده بنت جيران اهلو في المفرب,لما واجهتو قال انو هي بتحبو بس ما بدو شي منها و الدليل هي عم تسالو ليش ما تتصل و ما تسالني من وين جبت عنوانك...هي عايشه في باريس و كانت في زياره عند اهله كمان مطلقه..هو حكلي و حلف ما كان في شي بينهم غير اتلقو مرة هونيك و كم مرة تليفون,و أخر اتصل فيها عشان يقول انو ما تتصرف هيك و عندو زوحه في البيت.انا ما عم صدقو لانو كان مخبي موبايل تاني عني ولما طلبت منو يفتحو رفض, و لولا حكي الناس لكنت رجعت لبيت اهلي مع انو يمكن الكل رح يلومني,و يمكن ابوي و عمي ما يطلعو في وشي...انا عايشه متل الميته في البيت كل واحد منا بفرفه الحكي الضروري بس بينحكا لا غير,لمتا الله اعلم ....بليز اولولي شو ساوي انا صار عمري29 و كلو ضاع بين هل مشاكل...اسفه عل تاخير و مرسي للجميع.سلام

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها