ابي سبب كل مشكله

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

السلام عليكم ورحمة الله وبركاته بيجوز اطول عليكم الحديث وما اطلع كل اللي بقلبي لاني مجموره قلبي جمره وقايده من الحياه اللي اسرتنا عايشتها .المشكله مش بس مشكلتي مشكلة بيتنا كله من عنصر اسمه اب اي نعم ابي سبب كل مشكله وجوده في حياتنا عقده سوده (اللهم سامحني يا رب)بس من تعبي منه لهذا البني ادم ولا مره شفنا معاه يوم هنا ولا يوم سرح ,بس نحن والحمدلله اثبتنا حالنا بانفسنا اذا ضحكنا ببكينا واذا انبسطنا بيحزنا غير المسبات منسمعش منو وقلة القيمه ,اذا بشوف بنت بتحكي وبتتحدث مع والدها متصدقوش شو الشعور اللي بيكون بداخلي بعبر عنه بس بدموع بعيوني نتيجة حرقة قلبي ابوي بيحكيش معاي غير بلهجة روحي يا بنت الهيك ويا بنت البعرفش شو؟واخواتي الشباب ولا واحد منهن خلص مدرسه مع انهن مش ناقصهن ولا اي اشي لحتى يتعلمو خواتي المتزوجات ما بيجو عنا لانه ابوي كل كلامه مع نسايبه باستهتار وبتسلط وما بيعجبه العجب ولا الصيام برجب .انا صارلي مخطوبه ثلاث اشهر خطيبي اجا لعندي ثلاث مرات مره عالعيد الصغير ومره عالعيد الكبير ويوم ما اجو دار عمي باركولي الله وكيلكو ليه؟ لانه ابوي بيضل مكشر بوجهه امي دايما جفونها منفوخه من كثر ما بتبكي على حظها انها اتجوزته عماتي وعمامي واولاد عمامي ولا حدا فيهن بيخش عتبة بيتنا .اخوالي بيجو عنا علشان نحن وامي اخوي طلق مرته من كتر ما ابوي بيتدخل فيها شو ولا شو بدي احكي هاي نقطه ببحر من اللي نحن عايشينه انا صار عندي مرض نفسي وباخد دواء شهري من كثر ما بنمقت اذا حكيت مع جارتنا بطفر طيب مره شوفتو واحده معندهاش صاحبات ؟ انا مفش عندي صاحبات...بحبش ييجو عندي احسن ما ابوي يطردهن ولا يكشر بوجوهن خطيبي بيجيش عندي لانه ابوي بيضل مكشر بوجهه اه اه اه  اه اه عالحرقه اللي بقلبي .على كل حال انا هذا البني ادم بيضل ابوي والمفروض اني احترمه بس حبيت اكتبلكو عاللي انا عايشته لحتى تشوفو شو ظروف البني ادمين ولا حدا حاسس فينا وشكرا للجميع ونحن بالبيت والحمدلله مش مستسلمين لتسلط ابوي عنا كل واحد ومركزه بالمجتمع والناس كثير بتقدرنا وبتحترمنا والحمدلله وايماننا برب العالمين كثير كبير وبشكر امي اللي عنجد بتستاهل انها تكون اعظم ام على وجه الكره الارضيه وبقولها عبر موقع العرب عرفتي تربينا يا امي كل اللي بيعرفنا بيحمد بصفاتنا والحمدلله اللي نحن مش زي ابوي .والسلام ختام

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها