زجل المسيحُ صخرتي نوري وحصني بقلم:اسماء طنوس المكر

 

لَمّا بتبقى معايا _______وماسِــك دايمـاً بِإيــدي

بترتّبلي مَسعايا _______وبلاقي حالي سـعيــدِه

____________________________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

بإسمك دايماً بَتغَنّى______ يا واهـبـلي أشـعـاري

ولَمّا بإسمك بتمنّى______بلاقي تسَـهَّل مشـواري

بذكُر إسمَك بَتهنّى______ كُـل مـا أبـدأ نــهــاري

بيكون نهاري جَنَّه______ بـالأثــمــارِ اللّـــذيــذِه

_____________________________

عيونَك دوم بترعاني_____ بتحفظني مِنِ الشُّــرور

بروحَك لَمّا بتِمـلاني_____ بلاقي الفَرح والسُّــرور

وجودَك بيملا كِياني_____ انتَ الحكمِه وانت النّور

ويـنبـوعَــك الرَّيّـانِ _____بيِروي عـطشي الشّـديـدِ

______________________________

اللّي ما بيِعرف يسوع_____ ما شاف بعُمرُه النعمِه

هُــوِّ الدوا للمَــوجـوع_____ هُوِّ في الحزنِ البسـمِـه

حنّان بيـِمسـح دمـوع_____ بيِرسم الفرحـه رسـمِــه

المجـدُ إلو والخُـشـوع_____ لَاجـلُـه بَكتـب قــصـيـدِه

 

 

-