زجل لشهر شباط بقلم :اسماء طنوس المكر

 

 

نِحنا في شهِر شباط ________ يالــلّي ما عـلـيهِ ربــاط

هيكِ قالوا بالأمثال ________ بتــفكـيرَك إنَّــك لَـبّــاط

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

________________________________

وما بتُصدُق بكلامَك ________ فيـك البـرد وفيــك الحـر

وفيـك قلـيلِه أيامـَـك ________بين الأشهر أصغر شــهر

وبِتخطِّـط لأحلامَـك ________ وما مَرَّه بتِـرسي عَ بَــرّ

وِال رسمتُه بمنامَك ________ مِنّـــو صابَــك الإحبــاط

_________________________________

إن شَبَطْت وإن لَبَطْت________ ريحةِ الصيف بتبقى فيك

ومهما شَدّيت وخَبَطْت________ أيّامَــك ما راح تِكــفـيــك

لِآذار رُحــت وسألـت ________ من أيّـــامُــه تَيِـعـــطــيك

يا بِن عـمّي إذا شِئـت ________ لا تْخَيِّـــب أمَـــل شبــاط

__________________________________

بَدّك تزيــد الــبردات ________ تَالعـجـــوز توقِــد دولاب

وما بيهِمَّك الصقعات________ لَوْ عندا ما ظـلّ احطــاب

ولَوْ بالـبرِد كُــلٌّ بـات________ ما هَمَّك لَوْ مــرض جـاب

حتّى لَوِ المرض فات________ بتــبــقى قـــاسي كَالبــلاط