موشحات بسمِة الِورود/ بقلم: اسماء طنوس

تصَبَّحْت بأحلى بسمِه

بَـسـمِـة الِورود

هَواها مِثلِ النسمِـه

جايِ منِ خدود

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

------------

لمّا لَمَحـتا بعَيـني

ماعرِفْت ال صار

مِثْل ياللي سحرتنـي

والعـقِــل طـار

بنظره وحدِه شبكتني

وِبْقيــت مِحتـار

وِبهالنظـره خلَّتــني

إلهــا مشـدود

------------

جيت تَأوصِف جمالا

فاق الأوصاف

مانّي شايف أمثـالا

ولا حدى شاف

بقَدِّم روحي كرمالا

ماني خَــوّاف

ما بَقبـل التِّرحــالا

وما اقبل سْدود

------------

كِحل عيونا بيِطرِفني

بسَـهمِ العَينَين

النظره منها بتجرحني

بصيبِة سَهمَين

ويلي لَوْ راحت مِنّي

جيبا من وَيْن

وخيالا ما يفارقـني

بيِبقى مَوجود

المكر

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com