زجل للزيتون على دلعونا/ اسماء طنوس

 

على دلـعــونا عــلى دلـعــونــا

زيتون بلادي أطيَـب مايكـونــا

_________________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

كرم الزيتونِ يا حُـــبّي الغـالـي

ما أحلى لونَك أخضــر بيلالـي

ولَمّـا بَــشــوفَــك بيـجي عَبـالي

مَنقوشِه بزعتر أشـهى مايكـونا

_________________

حَب الزّيتــونِ يا حَــب اللّـولـو

من لونُه الحــلو كُلـهُم غَنّـولـوا

ريتَك يا كرمي سنينَك يْطـولوا

شو حلوِه القعدِه تحت الزيتونـا

_________________

زيتَك شو طيِّب بيغذّي جسـمي

ومن زيتَك رايح يِتقوّى عظمي

زيتَك مع لَبَنِه يا أطيَب طَــعمِه

مع خُبز محَمَّص على الكانونـا

_________________

مع الِمجـــدَّرَه وحَـب الزّيتــونِ

وأكلِة الِمحَمَّر أطيـب ما يكــونِ

والكعك الأصفر حِلِو يا عيوني

وحُمُّص وفولِ بزيتِ الزّيتونـا

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net