زجل للورد طَلِّتَك حنان/ بقلم: أسماء طنوس

يا ورد ياللّي طَلِّتَــك حُـب وحنـان

نظرِة عيونَـك لِيَّ فيــها إلهــامــي

لَمّا بَلمَــح طَــلّتَـك بَحِسّ بالأمــان

بتِرجع لِيَ البسمِه بِتزيد أحلامـــي

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

فيك الأماني بْتِحلى بجَوِّك الألحان

بتِسكِرالرّوح فِيَّ بحَلى الإبتسامِــه

يا ورد يا مْعَطَّر وِمزركش بألوان

ما احلى الحلى اللّي فيك إبداع رَسّامِ

النّظره مِنَّك بِتخلّي القلِب وَلهـــان

بيغيب مِنّي النّوم وِالسّهَــر علامِـــه

وبَظَلّ افكِّر فيك قاعـد وحَيْـــران

بيِسرح خيالي فيك مِن كُثْر هُيامــي

ودِنيِتَك خَضره بفستانِها الحـليـان

ساحِة غَزَل للحُب من غيـر كـــلامِ

لابسِه ثوبَ الفرَح مشَكْشَكِ بتيجان

جالها الفَرَح الِكْبيرمع عِزّ وكَرامِـه

ودَعوِة للفرَح وِصْلَتنا من نيسـان

تنشارِكِ الفرْحَ مَعو لِشهورِ وِايّـــامِ

وِيْظَلّ عبيرُه يفوح في كُلِّ مكــان

وتِعمَر ليالي الهَنا ونِطرَب عَأنغـامِ

 

 

 

 

 

 

 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net