زجل أيام العيد/ بقلم: أسماء طنوس

يا ما احلى أيّام العيد ___ فيها فرحتنــا بِتزيد

أيّامـا رَغْـــد وهَنــا ___ بِتحِسّ بحالَك سعيد

عيون الصُّبْح بتِتْبَسِّم ___ عَم تِبعــث تهانيــها

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

والورِد صار ينَسِّـــم ___ حامل عطورُه ليـها

والفرحه علينا بتِرسم ___ أحلى الأماني فيــها

لِجروحنا جايِه تْبَلْسِم ___ وِتْخَلّي عُمُرنا جديد

ألله جابِلنا الأعيـــاد ___ تَيْجَدِّد فينــا الِقْلــوب

وِيْلِمّ اللّي كانوا بعاد ___ يزرع وَرِد عالِدْروب

جايِ يرحـمِ العِبــاد ___ وِيْطَيِّبــهُم بِالِطْــيـوب

ألله العالي بالأمجاد ___ بيطَرّي قلوب الحديــد

والعيد فرحه للجميع ___ بيِستَنّوه جميـعُ النّــاس

بيخلّي الدّنيي ربيــع ___مِنحِسُّه بأجمل إحسـاس

والمُتْعَه بجَوُّه البديع ___ بالصّلى وجَــوِّ القُدّاس

ربَّك العالي السّميـع ___ بيِعمل بقلبَك تجديـــــد

ولَمّا تْعايِد عَاحْبابَك ____ تْذَكَّـــر تزور اليتـــيم

تَالعيد يزور اعتابَك ____ خلّيك عَغــيرَك رحيم

وتَنّو يْدَقْدِق عابْوابَك ____ لاتِنسَ تزور الفقيـــر

راح تِلقى مِنّو جوابَك ____ بيِعطيلَك شو ما بِتريد

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net