الشّمْس غابت خَلْف موجِة من العَتِم
سَدّت مَدانا ..
ضيّعت وَعْد الدّرِب..،
ريح صفرا تِقْلَع وْرود المُنى
document.BridIframeBurst=true;
var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });تُجرُف سَنابل هَالحَقِل
وِالطّير ما لاقى غُصُن يِرْكي جَناح
لا نَسمِه تِحمِل رَفّفو ..
لا حد يسمع غنوتو
وِالقلْب جافاه الحِلِم!!
***
في صَحرا هَالليل الحزين..
تِهْوي أحلام الأماني ..
وِالنّدى..
ما عاد يِنْعَف عَ الفَجِر.. عا هَالزّهِر..،
حَسْرَه على مَدّ المّدى
تِطْوي الهَنا ..
تِتْرِكْنا عَ حْدود الألم
يا بين نيران الظّلُم
في ساحِة البُغْض.. الجّحيم!!
***
أشباح زَرْعَت شَرّها بين الخَراب
سْموم تِزْحَف عَ المُدُن
مِثْل الجّراد...،
تُنشر رُعُب..
تِسْبي حَبَق
تُحْصُد رِقاب...،
ما تْخَلّي بَصّة نور لَعْيون الغَريق،..
كُل شي صار يْغوص في بَطْن الحَريق
ما ظَلْ غير جْروح وِصْراخ ..
وْألم..!..!!
-----
الناصرة
19-9-2014
موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net
عنوان: اختبار طريقة اختبار الشارع P.O. 60009 دولور / ألاسكا
الخامس +1 234 56 78
فاكس: +1 876 54 32
البريد الإلكتروني: amp@mobius.studio