زجل/ بقلم:اسماء طنوس المكر

موشحات يا عذرا إحمي البشر

يا عذرا إنـتِ لـينا ----- في الضّيــقاتِ عينـــينا

صلّي لإبنِك يسوع----- عنــدُه تــشَفَّـــعي ليـــنا

_____________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

يا عذرا إحمي البشر----- لَيِّنــي قلوب الحجــر

صَلّي لِقلــبِ انكسَــر----- وللّــي تـعَدّوا عليـنـا

______________

أوْقِفي كُلَّ الِحْـروب ----- بِخَطَرها كَالمكروب

طَهِّري كُلَّ الِقْلــوب ----- دَخــيلِــك لا تِنســينـا

______________

إحمينا منِ الطُّــغـاه ----- وَدّيـنا بَـــرّ النّــجــاه

منِ البَرابِرَه القُساه----- يا عــذرا أُحُضنــينـــا

______________

هَجَّروا المسيحِيّيـن----- وِجذورهُم آلافِ سنيـن

تقَنَّعوا الإسلامَ دين-----وهُـمَّ مــا إلهُــم ديــنـا

_______________

وِعْيوبهُم أدّيه بتِخزي----- ودَفّعوهُـــم الجِزيِــه

المسيــحي إلو معَــزِّه----- عند الرّبِ الحامينــا

_______________

منِ الإلهِ ما ارتــاعوا----- النِّسوَه بالسّوقِ باعوا

لِلدِّمــاء قد جـــاعــوا----- رَبّــي منـــهُم نَجّيـــنا

 

 زجل الرحمه بتعمل معجزات

الحرِب ما بتِعمل حلول---- شوفوا لَوين وْصِلْنا

التّفاهُــم هُـوَّ المعـقــول---- منِ الأوَّل لَوْ بادَرنا

___________

الشّراره عِمْلَت حريق---- شَعَّلَتْ فيـها النّــيران

قَضَت عَكُــلِّ بَــريــق---- هَدَّمَــت كُــلّ البِنـيـان

الوَطَـن بالدّمِّ غَريـــق ---- تَدمير وقَتْل وحِرمان

وِالحِكمِه أسْلَم طريـق ---- لَوْ فيـها كُنّـــا سْلَكْنــا

__________

بَعِد ما شُفـتوا الدّمــار---- فْطِنتوا تِعملوا الهُـدنــِه

لَوْ بالأوَّل ما كان صار---- ولا قامت بينكو الفِتنِه

بالعِنـادِ وأخْـــذِ الثّـــار---- وِبأعـمــالِ الشَّيْــطنِــه

صار القَتْل وهَدْمِ ديار---- وبالآخِر قُلـتوا نْدِمْنـــا

_________

الرّحمِه بتِعمل مُعجزات---- الِقْلوب القاسيه بِتْلين

بتِفتــح كُـــلّ الطُّرُقــات---- وبِتْقَرِّب بينِ الشّعبين

شوخلَّفَــت الِحـروبــات---- غير الأسى وِالأنيــن

لَوْ رَفَعتـوا الصّلـــوات---- كان البــاري رَحَمنــا

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net