زجل للربيع فيكَ الأرض جَنَّة/ بقلم:اسماء طنوس المكر

 

جينا نهنّي الطّبيعَه

بشـــهِر آذار

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

بألوانا هالبــديــعَه

المَليانِه ازرار

_________

جينا تَنحَيّي إسمَـك

ونهَنّي الكَــوْن

ألله أبدَع في رَسمَك

أعطاك اللّــوْن

سبحانُه ياللّي سَمّاك

ربيـــع الكَوْن

هالبسمِه على تِمَّــك

ما تغيبِ نهار

__________

إنتَ الوَحـدَك مدَلَّــل

بيــنِ الشُّــهور

وِانتَ الوَحدَكِ مكَـلَّل

بِأحلى زهـور

الدِّنيي فيك بتِتجَمَّــل

لَوْنَك مسحـور

ولَمّا فيــكَ بَتــأمّـــل

بَكتُب أشـعـار

__________

وِالأرِض عِنّا جَـنِّــه

كُلها بسـاتيــن

عِنّا اصوات ال بِتحِنِّ

كُلـها حنيــــن

جِبنا الحِنَّــه تَنـحنّـي

كفوف الحلوين

جَتنا الطُّيـور تغَنّــي

والفرَح طار

_________

طَل الزّنبق وِاتبَسّـِم

ونَرجِس كمان

ضِحك الشّقيق وسَلِّم

بوَجْهُ الحليان

وزُقوقيا عَم تِـتنَــغِّم

على الألحان

ونسمات الجايِه تنَسِّم

حَيَّت الِازهار

 

المقالات المنشورة تعبر عن رأي كاتبها فقط، وموقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية رأي حر. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net