زجل الأمل/ بقلم: اسماء طنوس

ربّ السّما خلَق كُل يوم صُبْــح جديـد

واللّيل بعــدُه النَّــهار تِتـمتّـعوا فِيّـو

خَلِّ اللّي مضَى يروح عن دَربَــك بِعيد

ولا تِلتِفِت وَراك ما في أمــل مِنّـو

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

تَتعيش يومَك بالأمل ويبقى القلِب سعيد

ولا تِنشغل بالوَهم وروح ابْتِعِد عَنّو

الماضي وقتُه راح وخْسـاره لَوْ بِتْعيــد

خلّيك مِثْل الصُّبْح الِعْصافيرُه بيغنّوا

واللّيل لمّـــا يفِــلّ بيـــجي الأمــل أكــيد

بينَوِّر صباح جديد اللّـي إلو استنّوا

وكُل ما طَـلّ النهار بيِبــدا في التّجديــد

جايِب معو البسمات وِانوارُه تَيْهنّوا

اللّه خلَــق صباحُــه للــدّني كَإنّــه عيــد

بأنوارُه الِمشعشعَه جاب اللّي بِتمنّـوا

في الصُّبحِ قُم فرحان كالبُلبُــلِ الغَرّيــد

غَنِّ الأمـل الِجديــد اللّـي فِيّو بِتــغَنّوا

 المكر

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net