زجل بالمِعَنَّى بَتْغَنَّى/ بقلم:اسماء طنوس

قلبي بيِعزِف ألحانُه بيعَبِّر عن كِيـــانُـــه

بُستاني حامل أشعار بتِتْــــــحَلَّى بِألوانُــه

مَرَّه بشِعْري بَتْغَزَّل بِالمِعَنَّى بقول اشعار

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

وبالعَتـــابا بَتْـــعَلَّــل بيِتْغَنَّى قلبي الطَّربان

ولَمّا بفكري بَتْأمّـــَل بتِطلع صُوَر وألحـان

وبالدّلــعونا بَتْــنَقَّل والدَّبكِه هي عنوانُـــه

ولَمّا بتِعْمَر أفراحُه ما بيعود يِـهدالُه بــال

بيِعلَى طايِر بِجْناحُه بيِفلَت من قلبي المـوّال

ما اقْدَر اكْبِتِ جْماحُه بيصير يِرمَح كالخَيـّال

عاصِف بِتْهيج رياحُه لَمّــا تغَـــرِّد ألـحانُـــه

وبْشِعري عَم بَنــادي ظَلّوا اسمعوني يا نــاس

سَمّوني الطّيرالشّادي بمَغنَايَ بيِطْـــرَب الرّاس

وبَغَنّي مِثْل الحــادي إللّي بيِحدي في الأعراس

وما بَطيـق الحِيـادي الِمْــكَشِّــر عَنِ اسنــانُـــه

المكر

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net