فتاة (20 عاما): وقعت ضحية مشاكل أبي وأمي وبعد طلاقهما لم يعد يرحمني كلام المجتمع

 أبرز ما جاء في الرسالة:

مشكلتي كانت بهالحياة هي أمي وأبوي ومشاكلهن اللي بتخلصش شيلي

اجا اليوم اللي تفاجأت فيه وعرفت انو أبوي متجوز على أمي

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

بعد هاليوم المشؤوم أمي صارت عصبية أكثر وطلبت يطلقوا وهاد اللي صار

حكي المجتمع بطلت أتحملو وأقل كلمة بسمعها رح تطلع زي أهلها وهاي مش وجه جيزة والتزام وأكيد مش متربية منيح

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا للجميع .. مشكلتي يمكن تبين عادية أو مش مهمة بس بالنسبة اللي هي مصيبة كبيرة !! أنا صبية عمري 20 عام بتعلم وان شا الله كمان سنة بخلص وبوخد الشهادة وشكلي مقبول والحمد لله. مشكلتي كانت بهالحياة هي أمي وأبوي ومشاكلهن اللي بتخلصش شيلي، انا واخوتي كنا نصحى ونام على صياح ومشاكل امي وابوي وولا مرة حسيت بمعنى حنية الاب او الام !! المهم .. بالنهاي اهلي قرروا الطلاق والسبب الرئيسي كان انو امي اتفاجأت وعرفت انو ابوي متجوز عليها. ومن بعد الطلاق، صارت المصيبة مصيبتين .. نظرة المجتمع اللي تغيرت! وصاروا يألفوا قصص وحكي عني بلا طعمة كلو عشان اهلي مطلقين!! طب انا شو ذنبي ؟؟ فهموني يا ناس !  حكي المجتمع بطلت أتحملو وأقل كلمة بسمعها "رح تطلع زي أهلها" وهاي مش وجه جيزة والتزام وأكيد مش متربية منيح .. شو لازم اعمل انا بهيك حالة ؟؟ شو الحل حسب رايكوا !!

صورة توضيحية (تصوير: Thinkstock)