قررت ان اتبرأ من ابنتي لأنها وطأت رأسي امام الناس وفضحتني!فهل انا مخطىء؟

- ابرز ما جاء في الرسالة :

* انا رجل عمري 49 سنة ارسلت ابنتي 25 عاما للتعلم في جنوب البلاد

* ما كان متفق عليه انها ستنهي3 سنوات تعليم وتعود ولكن دخلت في السادسة ولم تنهي بعد

* ابنتي وطأت راسي بعد ما اكتشفت انها على علاقة بشباب وتهر خارج البيت برفقة صبايا غير محترمات حتى ساعات الصباح

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

* حاولت بكل الطرق ان انهاها عن الخطأ وان امنعها عن ممشاها الخاطىء ولكنها لا تكترث لا بكلامي ولم تقدني او تحترمني

* زادت الامور وقررت انها لن تعود للبيت وستبقى تعيش وحيدة بدون مسؤوليات او احترام لاهلها وستفعل ما يحلو لها ان كان عيبا

وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي :

السلام عليكم ورحمة الله لموقع العرب المحترمين انا رجل عمري 49 عام متزوج وعندي خمسة بنات متعلمات والحمد لله بنتي الكبيرة عمرها24  عام توجهت للتعليم في جنوب البلاد وطبعا لانو مكان تعليمها بعيد اضطرت انها توخذ سكن وتنام بريت البيت وهادا الي صار ,سكنت بالقرب من تعليمها وانا كنت ابعتلها مصاري لتصرف على حالها وهي كانت تشتغل باوقات فراغها لتساعد حالها .بنتي هي اساس مصيبتي ومشكلتي هاي السنة السادسة الها عايشي بريبت البيت بحجة انها بعدها مش مخلصا تعليمها مع انو في البداية ولما سجلت تعليمها كلو على بعضوا مش اكتر من 3 سنوات والي زاد الموضوع هم على قلبي انها اتغيرت كليا من ساعة ما طلعت وسكنت لحالها, صارت ترجع على البيت عنا بفترات كتير بعيدة وماا تسأل عنا لبسها وحركاتها تغيروا وبطل ايهمها حدا حتى انو الناس صارت تحكي عليها واكتر من شخص اجا وحكالي عنها يعني من ولاد البلد الي بتعلموا بنفس محل تعليمها .

صورة توضيحية

وسمعت من اكتر من حدا انها بتسهر لساعات متأخرة بريت سكنها والها علاقات كتيرة مع شباب , وطلعات ونزلات مع صبايا سمعة بالارض .الامور تطورت اكتر وكل ايشي زاد لحد ما قرررت اني انزل عندها واحكي معها ولما نولت وحكيت معا عن سبب تاخيرها بالتعليم وعدم رجعتها على البيت ما قبلت تعطي حتى اية مبررات غير انو بحجة التعليم تبعها الي ما بدو يخلص وبكل صراحة بنتي طلعت من ايدي لاني بعيني شفت تصرفاتها وشفت البنات الي ماشي معهن لا عارف ادبرها ولا ايشي ولا كأنها البنت الي انا تعبت عليها , تدخين وشرب وتصرفات لبنت مش محترمة .

وبالاخر قررت انها ما تعود ترجع عللى البيت بتاتا وبدها تضل ساكني لحالها وسمعتها صارت بالنازل وسمعة خواتها بسببها برضو خربت...وانا ما عدت اتحمل لهيك قررت اني اتبرا منها ولما مرتي عرفت انجنت وطار عقلها ومرضت...بالرغم من الالم الي راح يصير بسبب تبرأتي منها راح يتعب العيلة كلها بس ما في حل تاني لانها وطت راسي بالارض وما عدت اغدر ارفع عيني بحدا من الناس...بالذات لاجل بناتي ( خواتها) الي سمعتهن من سمعتها والناس صاروا يحكوا عليهن كمان فأنا ما بقدر اظلمهن كل حياتهن من تحت راسها لانو الكل عرف بموضوعها وعد اهتمامها باهلها وخواتها ....انا كتير تعبان ومش قادر افكر بحل تاني انسب...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il