غيرتي عليها جعلتها تكذب وتتظاهر بعشقها لآخر فكيف تسامحني على أخطائي

- أبرز ما جاء في الرسالة:

* انا غلطت بحقها صارت تحكي مع واحد تاني وتدلعو وانا صرت اترجاها انو ترجعلي وهي تحكيلي انا ما بحبك وبحبو هو

* هي كتير جرحتني وبعد كل شي ضحيتو مشانها وخسرتو تعمل هيك معي انا كان عندي امل انو ترجعلي بما اني خسرت الكل مشانها

* انا اسا ضايع ومحطم ما بعرف شو بدي اعمل مشان ترجعلي انا بحب اوجهلها رساله واحكيلها انا بحبك كتير لا تبعدي عني لانو بعدك بموتني

الرسالة هي التالية:

مرحبا يا احلى موقع انا مشكلتي ما بعرف شو حلها وبدي تساعدوني انا بحب وحده ساكنه برا والنا مع بعض سنه ونص تقريبا اول العلاقه كل شي كان تمام بس بعدها انا صرت افرض عليها شغلات لا تحتمل واغار عليها كتير واخر فتره صارت مشكله واتهتمها بالكذب هي بصراحه زهقت وتركتني ولما حاولت احكي معها ما قبلت واخر شي طلبت من اختها انو احكي معها بس لما حكينا عن طريق النت اعطت ايميلي لشب مشان هو يحكي معي وصار يحكيلي انو حبيبها وما بدو اقرب عليها انا متاكد انو هو مش حبيبها.

document.BridIframeBurst=true;

صورة توضيحية

عملت هيك مشان ابعد عنها ولما كنت احكي معو فاتت هي وصارت تحكيلو تدلعو وانا صرت اترجاها انو ترجعلي وهي تحكيلي انا ما بحبك وبحبو هو وما بدي اياك انا بعرف اني عذبتا كتير بعلاقتنا بس هي كتير جرحتني وبعد كل شي ضحيتو مشانها وخسرتو تعمل هيك معي انا كان عندي امل انو ترجعلي بما اني خسرت الكل مشانها وما ضل الي بالدنيا غيرها بس اسا تركتني وحيد وتخلت عني وانا اسا ضايع ومحطم ما بعرف شو بدي اعمل مشان ترجعلي انا بحب اوجهلها رساله واحكيلها انا بحبك كتير لا تبعدي عني لانو بعدك بموتني ارجعيلي وبوعدك انو تنبسطي بحياتك معي بس المهم تكوني معي انا اسا ما الي غيرك لا تتخلي عني انا بحبك هي لما تقرا رسالتي رح تعرف مين انا وتعرف حالها بتمنى انو قلبها يحن لانو بعرف انها حنونه بتمنى انها تحن علي وترجعلي باسرع وقت وشكرا الكم يا احلى موقع بتمنى تنشرو رسالتي بسرعه قبل فوات الاوان وشكرا للجميع.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il