إنتي الفضا .. وقلبي بْمَداه نجمِه كلمات قمة بالروعة بقلم سيمون عيلوطي

مِتْل الحرِف ..

مَ يْفارق الكلمِة

مِتْل الوتَر..

ملهوف للنغمِِه

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

وْمتل البريق

مْعلَّق بْنجمِة

هيكي أنا

يا بسمِة وْجودي

موجود فيكي

وانتي موجودي

في كاسي

في صحواتي

في حلمي .

***

مِثْل الطيور

العاشقَه النسمِه

مِتْل القلوب

الهايمِه بْبَسمِه

وْمثْل الندى

عَ شْفاف شي وردِه

مشتاق وصلِك

وانتي عا حدي

ضُمِّك عَ صدري

مَ احلى هَالضمِّه .

***

كيف الصُّّّّّّّّّّّّّّّّبِح

محتاج ضوِّ الشمْس

كيف الغِوى

محتاج حنين وْهمس

إحنا سوا...

والحب فينا هام

مِثْل الوَعِد

مرهون بالأحلام

صُرْتي الفضا

وْقلبي بْمداه ...

نجمِه .

***

قَبْل ما نِلْفي ...

عا هالكون

كنَّا سوا

في غنوِة الحسُّّّّّّّّون

مْواج الندى

تِنْعَفْنا عا بستان

فِيُّّّّّّّّّّيو الهَنا

فِ قِْلوبنا ألحان

نَغْماتو صارت

إسمِك وْإسمي .