زجل عن العنف يأكلونَ بعضَهم ويطلبونَ الحمايه

زجل عن العنف  يأكلونَ بعضَهم ويطلبونَ الحمايه   بقلم:اسماء طنوس المكر

فيكو الذّئِب والحَمَل ------ وقوي بيـاكل الضعيـف

والوضِع ما بيُحتَمَل ------ المجتمع أصبـح عنـيف

                    *********

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

المشاكـل النفســيِّـه  ------- بسببها ما في أعصاب

والتربيـِه البـيتــيـِّه  ------- هِيِّ الأصِل بالمُـصـاب

وبِالظُّروفِ الماليِّه  ------- بِالجُــرمِ كُلُّـه إنصــاب

وبجـرائـم أهــليِّــه  -------- طَخّوا بَعِض يا لطيف

                   *********

القاتل  بيُقتل قتـيل --------- وعَم يمشي بِجَنـازتُـه

جُرمُه ما إلو مَثيل --------- وعَمَّ بيُطلـب حِـمايتُـه

الخائن بيُقتل نبيـل --------- بيـِتـبَرّى من خـيـانِتُـه

ومفكِّر إنُّه أصـيل --------- وهُوِّ اللّي مانُّه شريف

                   *********

الكُل بياكُل بعضُه --------- صاروا مَسخَرَه للغــير

لا شي عمَّ بيصُدُّه ---------لا شُرطه ولا أهل الخير

شياطيـن بيِنـعَدّوا --------- ما هَمهُم شو عم بيصير

سلاحُ المجرم بِيَدُّه--------- ماشي حُر ولا مُـخيـف                +