زجل   لايُكسَر الشر بالشر ولا يُداوى العنف بالعنف

  

بالحكمِــه السـمـاويِّـه  _____   بتقدر تتروّى شويِّـه 

ما بِتزيـد البـلِّـه طـين _____   ولا بتزيـد العصبِيِّـِه 

______________________________  

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

لا العنفِ بيداوي العنف_____ ولا الشّرِّ بيكسرِ الشّر 

بِالـهــداوِه مع اللُّـطــف _____ للمـشاكـل ما منِـنْجَـرّ 

ليهِ القتلِ وليهِ القصـف _____ وانتــم في أيـامِ الفِطـر 

شوارع مرصوفِه رَصف____ بأعــمـالٍ تــخـريـبِيِّـه  

______________________________ 

مِـش مُهِـم ميـن ال بَــدا_____رُحتوا وأشعلتـوا إلنـار 

شو اللي صار واللي غدا____ ما حَـكَّـمـتـم الأفـــكـار 

والكُل عبعـض اعـتـدى ____ وقتـلتـم كبـار وِصغـار 

ومـا حـدا رحـم حــدا  _____ بمجـازر صـاروخيـِّـه 

_______________________________  

قلوب انكسرت منِ البُغض___ والعمى طَـفّى انــوارا 

المسافه زادت من بعض ____ شَعـلَت الِقلــوبِ نــارا 

كيف راح يرجعوا لبعض____ والسِّلمِ يكـون شِــعارا 

رب السما شاف الأرض_____ عَم تُصرخ البشريِّــه  

_______________________________ 

خــافــوا ألله منِ العِـقـاب ____عَم تِرموا اولاكم بالنار 

ليه جِبتوا عليكو المُصاب___بيِكفي الفيروس اللّي صار 

خَلَقتوا مَرَض الأعصاب____بِتـريدوا تـاخـذوا بالـثّـار 

وِالِعقول صابا أعطـاب ____ مَــوَّتـــوا الأنــســانـيِّــه