زجل  خَلّيك لَيِّناً لا تُعصَر ولا صلباً فَلا تُكسَر-بقلم أسماء طنوس المكر  

زجل  خَلّيك لَيِّناً لا تُعصَر ولا صلباً فَلا تُكسَر-بقلم أسماء طنوس المكر  

_______________________________________  

خَلّيك طَيّب مع النّاس ---- وِاللّين دوا للإحساس  

وِالقَسوِه بِتقَسّي قْلوب ----   بِتْزيد عَنادِه بِالرّاس  

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

__________________________   

الكِلمِه الحِلوِه بِتقَوّيك   ----   بِتـزيدَك  مَعـنَوِيِّـه  

وِالطّيبِه راح بِتحَلّيك   ----   بتِعطـيلَـك  أهمِّـيّـه  

وِاللّطـافِه  بِتـخَـلّيـك   ----  محبوب وإلَك شَعبِيِّه   

 والقاسيِه بتُنخُر فيك  ----  بتِهِدمَك مِنِ الأساس  

___________________________    

لا تْكون لَيِّن بِزيادِه ---- بكُثرِ اللّين راح تُعصَرِ  

ولا صَلباً فوقِ العادِه---- بالصَّلابِه  انتَ  تُكسَر  

خَلّيك صاحب إرادِه ----  مِنكَ  المَكسورِ  يُجبَر  

الحِكمِه بتِعطيك الفايدِه----تِزداد رِفعَه بينِ النّاس   

____________________________     

الكلام الطَّيِّـب مقبـول ----   لِأنُّـه بيِـرضي رَبُّـه    

كَلِامُـه إلو مَفـعـول   ----  وِالرَّب العالي بيحِبُّه   

لَمّا بيِمشي عَالأُصول ----  وماشي تمام بدَربُـه 

أفعالُه  دايماً  بِتقول ----   إنُّه متَوَّج فوق الرّاس