زجل الكرامة تحفظك

 

اللّي   مالُه  كرامِه  ----  مِثلِ الأعمى ما بيِقشع

مالُه قيمِه ولا قامِه  ----  وِالنَّصيحَه  ما  بيِسمَع 

__________________________ 

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

الكرامِه بتحفظ شخصَك ----بِتحافظ  عَمِـقدارَك

شهامِه وعِزِّة  نفسَك  ----    بِتْحَـفِّـز لِإكـرامَـك

لَوْ شايِفها ما تْخُصَّك  ---- ما بتِسوَى لِاحتِرامَك

العيون رايحَه تْبُصِّلَّك ----  إنَّك فاشل ما  بتِنفع

___________________________  

الكَرامِه جَوْهَرُ الناس ---- بتبقى غاليه مهما كان 

بِدونا الشّخصِ بيِنداس---- ما لُه بينِ الناسِ مكان 

بيِبقى جِسْم بْلا إحساس---- باقي عَحالُه  رَضيان 

وضميرُه نايِم في الرّاس---- لَوْ بَهدَلتُه ما   بيِفقَع   

___________________________    

أُنفُض حالَك  وِاتْغَيَّر ----  لا تِبقَ  مِثلِ  المَخبول  

حالَك صَعْب وبيحَيَّر ----  وِمْبَـهْدَل مانُّـه  مَقبول  

إجلِس مع حالَك فَكَّر---- يِمكن عَقلَك يِصْحَى يْقول  

                                             عقلي خَلاص اتنَوَّر ----  عِرفِ  الكَرامِه  بْتِرفَع