زجل ما بيحِكّ جِلدَك إلّا ظِفرَك – بقلم أسماء طنوس المكر

إرمِ هَمَّـك عَ رَبَّك وسَلِّمْـهُ إلأحـوال 

بِتلاقي عِندُه الحـلّ مِن رَبَّـك العـالي 

حُط حِمـلَك عَليه لَوْ ثِقـلَـتِ الأحـمال 

ما بيِخسِـفَـك الرَّبّ بيجــيـب طَـوّالي  

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

دَعانـا نـحنُ المُتعَـبيــنَ مِنَ الأثـقـال 

نَرمي عَليـه الِهموم بأثقَــلِ احـمـالي 

لا تِلجأ لِحَد وتِحكيــلُه ســــوءَالحـال

إرجَع لِرَبَّـك ومحبِّـتُه  إلَـك غالـيــه

عِندَك كَرامِة نَفْس وقُوِّة الاحــتِمــال

لا تُطلُب مِن حدا ما يهِمُّه شـو مالي  

ما حَكّ جِلدَك إلّا ظِفرَك قالت الأمثال

عِندَك إرادِه وتَحَدّي وتَغْيير الاحوالِ

ولا تْحُطْ إيدَك عَخَدَّك مِنشِغِل البـال

إنهَـض مِن غَـفلِتـَك وجَـدِّدِ الأحـلام 

رَبَّـك مَع السّـاعي السَّـهـران ليـالي