زجل  عدم الثقه   -    بقلم أسماء طنوس المكر

__________________________

للثقـه قُـوِّه كْـبـيـرِه ---  بتِعطيك شجاعه ونشاط 

قيمتك دونا صْغيرِه --- بِتحِسّ دايماً  بالإحبـاط 

__________________________                                                                                  

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

لَوْ ما كان عندك ثِقَه --- في نفسَك أوْ في غيــرَك  

وقلبك ما فِيّو الشَّفقَه --- على قلبـك وضــمـيـرَك 

بكــراهيِّـه ولا رِقَّـه  ---  والحِــقِــد دوم أسيــرَك 

حابـس حـالك بشَقـَّه ---  مـالَك نِفِـس عَالحــيـاة  

___________________________  

ضميرك تَعَّب ِالرّوح ---مش عارف تِلقى حالك 

وين ما بتيجي أوبِتروح ---نَقصَك مِتَْعِب أحوالَك  

عِندَك سِـر وما بِتـبوح ---  مخَبِّـيهِ جُـوّا خَيـالَك 

خَلِّ قلبَك دوم مفـتوح --- الثِّقَه عربونِ  النَّشـاط