زجل الموسيقى غذاءُ الرّوح بقلم : أسماء طنوس- المكر

 

الموسيقـى غِذاءُ الرّوح

لِـروحَـك بِتـغَـذّيـها

ما بِتخَـلّي فيك جـروح

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

ولجروحَـك بتـداويـها

--------------

الموسيقـى إِلها ألحـان

أَنغـامـها بِتْـحَـلّيـها

لِلـغِنِّـيّـه فـي أوزان

بتـعزفـها وبتغَـنّيـها

--------------

مِثـل الهوا ومِثل المَيّ

لِـروحَـك بِتـرويـها

قلبك فيـها بيبـقَى حَيّ

كُل القلـوب بِتِحييـها

--------------

والجسد دونها ما بيعيش

صَحـرا لا مَيِّ فيـها

من دونها ما بِيِحلى العيش

كيف الـرّوح نِهَدّيـها

--------------

هِيِّ النّبـض والحيـاه

كـلُ الإِحسـاس فيـها

كيـف لو جَفَّتِ الميـاه

الدنيا شو بيصير فيـها

--------------

الموسيقى فَن وإيقـاع

لِروحَـك بِتنـاجيـها

بِتنسَى فيها كل الأوجاع

طول ما انتَ عايِش فيها

--------------

للطـرب قلبـي غَنَّـى

كل الآغنانـي بَغَنّيـها

عنهـا ما مَرَّه استغنَـى

ومـا بيقـدر يجافيـها