زجل الرحمه بتعمل معجزات بقلم:اسماء طنوس المكر

 

الحرِب ما بتِعمل حلول---- شوفوا لَوين وْصِلْنا

التّفاهُــم هُـوَّ المعـقــول---- منِ الأوَّل لَوْ بادَرنا

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

___________

الشّراره عِمْلَت حريق---- شَعَّلَتْ فيـها النّــيران

قَضَت عَكُــلِّ بَــريــق---- هَدَّمَــت كُــلّ البِنـيـان

الوَطَـن بالدّمِّ غَريـــق ---- تَدمير وقَتْل وحِرمان

وِالحِكمِه أسْلَم طريـق ---- لَوْ فيـها كُنّـــا سْلَكْنــا

__________

بَعِد ما شُفـتوا الدّمــار---- فْطِنتوا تِعملوا الهُـدنــِه

لَوْ بالأوَّل ما كان صار---- ولا قامت بينكو الفِتنِه

بالعِنـادِ وأخْـــذِ الثّـــار---- وِبأعـمــالِ الشَّيْــطنِــه

صار القَتْل وهَدْمِ ديار---- وبالآخِر قُلـتوا نْدِمْنـــا

_________

الرّحمِه بتِعمل مُعجزات---- الِقْلوب القاسيه بِتْلين

بتِفتــح كُـــلّ الطُّرُقــات---- وبِتْقَرِّب بينِ الشّعبين

شوخلَّفَــت الِحـروبــات---- غير الأسى وِالأنيــن

لَوْ رَفَعتـوا الصّلـــوات---- كان البــاري رَحَمنــا