وين الأمان/ بقلم: أسماء طنوس

 

مالْها الدِّنيي كُلها حروب ---- وِنْسيتوا الرّبّ الرَّحمان

الضَّمايِر صابها مكروب ---- ما عاد خيـر ولا أمـان

______________________________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

أللـه بِالـلُّـطــفِ صـابــر ---- بـيِـستـنّى تَنـكـو تليـنــوا

ليه بـحـيـاتـك بِتْـخـاطِـر ---- وغيـرَك قاعـد بِتهـيـنُـه

ودوم بِتحـب المَخـاطِـر ---- وِالمِسـكـيـن ما بِتْعـيــنُـه

وما بتُـجـبُـر الخَـواطـر ---- لِأنَّــك مـانَّــك إنـــســان

______________________________

رَغم الفيروس ال جابُه ---- ما ارتـدّوا عَنِ الضّــلال

وبِالمرض اللّي انْصابوا---- ما خـافــوا ربَّ الجــلال

منِ الأمــل لَـمّـا خـابـوا---- ما وِعْــيـوا إلّا الِـــقْــلال

وِاللّي رِجعـوا وِطـابـوا ---- ذاقـوا النّـعـمِـه والحـنـان

_______________________________

الرّب بيـحِـب التّـوّابيـن ---- بيِـحسِبـهُـم مـنِ الأبــرار

والـلّي بِقْـيـوا خَـطّائيـن ---- خالَطوا الّنـاس الأشــرار

وبِالمصايِـب غرقـانيـن ---- تْمَـنّـوا تَيْكـونـوا أحــرار

بِالـخــطـايـا مرَبَّـطـيـن ---- كُـلُّه مـن عـدمِ الإيــمــان