زجل الملَوَّن| بقلم: اسماء طنوس

زجل الملَوَّن 

اللّي بيِطلَع عَلْسـانَك ___ بييعاكس ياللّي بقلبـك

ليـه بِتلَـوِّن كـلامـك ____ انتَ ما بتخـاف ربَّـك

*****

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

كلامك ما هو معقول___ وبتحـكي إنَّك بــريء

لا صحيح ولا مقبول___ بعكسُـه انــت يا جـريء

ضميرك دَوماً مخبول___ عَمَّ تشَغّلُــه عَالبــطيء

بالوَهِم عقلك مشغـول___ مانّك عارف وين دربَك

*****

انتَ عايش بالأوهام ____ وعَم بتغش جميع الناس

وعَمَّ بترسم الأحلام ____ أحلامـك مالهــا أسـاس

وقلبك ما فِيّو سـلام ____ لا محبِّــه ولا إحســاس

مُجَـرّد وَهْمُ وكــلام ____ وبالأفكارِ انتَ مشربَك

*****

بتِتخَبّى وَرا الستار ____ وِبتِـحــكي شــو ما بَدَّك

شو عَم تِحكي يا سُتّار___ وشــو عــمَّ تُكتـب يَدَّك

والصّادق مِثل النّـهار___ والنّـور بيِــكشـف رَدَّك

لا تِـرمِ حـالَك بالنّـار ___ وتِخسر ربَّـك ال حَبـَّك

 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com