زجل: ضمائر ميِّتَه| بقلم - اسماء طنوس

ضمائر ميِّتَه

مال الناس مصروعين ___ ما حدا مطَوِّل بالُه

منِ الأخلاقِ مَنزوعين ___ وما حدا على حالُه

___________________________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

والصبر أصبح مفقود ___ بكِلمِه بتولَع شـرارِه

بعيونُه الشّرِّ موجـود ___ والقتِل عندُه شطارَه

بيِتفـاخـر بقوِّةِ زنـود ___عقلُه مجنون ياخساره

وعَجبينُه الشّرِمعقود ___ بـيقاتِــل ياللّي قبـالُـه

___________________________

وِبقلبُـه فراغ كبـيـر ___ ما ترَبّى عَـالحِـنِّــّيِّــه

وما عندُه نِتفِة ضمير__ ولا عندُه طيـبِ النِّـيِّه

بلا رَأي ولا تفكـير___ وأقوالُه بالسُّــخـرِيِّــه

بيِبقى للشَّيطانِ أسير__ كل شي بيـعمل كرمالُه

___________________________

تركوا الدين والعِبادِه__ قد زاغواعنِ الصواب

وِالجــرايِـم شـهـادِه ___ وعِند الله إلهُم عِقـاب

كل يوم بتزيد زيادِه___ وخبر قتيل ومُصـاب

المجرم مالُه إرادِه ___ ما بيعرف سوء افعالُه

  موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com