مِنِّي... حِلِّي حالِك...!!/ بقلم: سيمون عيلوطي

 

لـَ تْرافْقيني...

دَرْبي لا تِقْرَبي

فِكِّيكي مِنِّي، دَغْشِه

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

أهْرُبي

دَرْبي يوخِذ للشَّقا

لا تِتْعَبي...

مُهْجِتي لا تْعصِّبي

وْتِقْلِبي وِجِّك عَلَيْ

وْتِغضَبي ...

وِتْلَوْلِبي بِشْفافِك

وْتِعْتَبي

ما عُدْت فاضي

للغَزَل

مَشغول صُرْت

بْأَدَبي ...

مَكْسور عَلَيي جَناحين

أَقرا من المَكْتَبِه

وْفاتْني موسَمين

تا أَوَفِّي مَطلَبي

في كتابِةْ هَالقَصايِد،..

مِنْها تِتْسَرسَبي..!!

لا تْضَّيْعي أوْقاتِك

في جَحيمي وْلَهَبي

ما ظَلْ تا نِتلاقى ...

في مِصْطَبِه

من شان الله

ليش مَعي تِتْعَذَّبي

أبوس إيدِك...

قَدْ ما فيكي ابْعدي

عن جُنوني وْمَشْرَبي

عالَمِك صار الكُحُل

وِالعِطِر هَالأجنَبي

وآخر صَرعات الجُنون

وِالكَركَبِه

وْعِندي بَعدو هَالأدَب

هُوِّ روحي وْمَذْهَبي

حِلَّي حالِك مِنِّي...

أَحسن مَعي تِتْكَهرَبي!!

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان alarab@alarab.com