أهلي رفضوا حبيبي المقعد وخطبت لآخر عنوة فبات حبيبي يتجاهل صداقتنا القوية!

أبرز ما جاء في الرسالة:

لما اتصلت اتشكره على مساعدته النا خانقني لانه كنت انا وخطيبي بهدا المكان

عرفت معنى الحب مع هدا الانسان الي كل حياتي ما رح احب غيرو وحتى ما رح اجرب احب بعده

كان عندي صديق من مدينة مجاورة لبلدنا. انا كتير بحترمه وبعزه متل اخ الي , هو شاب مقعد بس هو كان ما في منه اثنين

بعد سنة من فسخ خطبتي صارحني الشاب المقعد بانه بحبني ولما صارحني بهدا الشي حسيت اني ملكت الدنيا وما فيها كنت اسعد انسانه بالعالم

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا فتاة عمري 23 سنة من قرى الشمال ... كنت مخطوبة لشاب من قريتي ... وكانت بيننا مشاكل كثيرة . هاي المشاكل ادت لانه احنا نفترق , وبالفعل افترقنا للابد بعد حب ضل فترة كبيرة...

كان عندي صديق من مدينة مجاورة لبلدنا, انا كتير بحترمه وبعزه متل اخ الي , هو شاب مقعد بس هو كان ما في منه اثنين... كنت احكيله كل شي بصير معي , هو الوحيد الي كنت ارتاح بس احكيله ... بعد ما تركت خطيبي راح يحكي خطيبي انه انا على علاقة بهدا الشاب .... ووصل هدا الحكي لاهلي ... بس والله العظيم ما كان بيننا شي من هدا كان مجرد اخ وصديق غالي ...

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

 

صورة توضيحية

حب جديد

ومع الوقت بعد سنة من فسخ خطبتي صارحني هدا الشاب بانه بحبني ولما صارحني بهدا الشي حسيت اني ملكت الدنيا وما فيها كنت اسعد انسانه بالعالم ... واكتشفت وقتها انه انا كمان بحبه ...

ومع الايام تطورت العلاقة بيناتنا ... عرفني على اهله , كانوا احلى حماه واحلى عم بالعالم كله ... عرفت معنى الحب مع هدا الانسان الي كل حياتي ما رح احب غيرو وحتى ما رح اجرب احب بعده ... بقيت علاقتنا مدة 6 اشهر كانت احلى علاقة بالعالم كله لحد معرفو اهلي انه بدو اياني ... وبهاي اللحظة حياتي انقلبت الى جحيم من بعد ما كانت احلى جنة...

جن جنون الأهل

اهلي رفضوه رفض تام بس عرفو مين هو وبس سمعو اسمه جن جنونهم ... ما بعرف شو سبب رفضهم له , قالو ما بدنا لانه كان في قصة قديمة معه.... جربت كتير انه اقنعهم ما قدرت ...

وهاي الفترة اجاني عريس جربت ارفضه بس ما زبطت معي ... لانه هدا العريس ما في شي مو منيح ... يعني ما لاقيت حجة ارفض عليها... قالي حبيبي انه اقبل هدا العريس مشان ارتاح من عذابي مع اهلي... ويومها وعدني يضل حدي كصديق واخ...

صورة توضيحية

عرفت خطيبي على صديقي

من يومها انخطبت لهدا العريس , واتفقنا انا وحبيبي انه نرجع اصدقاء , وبالفعل رجعنا كيف كنا قبل... بس بعد شهرين كنت انا وخطيبي بمدينة صديقي الي هو حبيبي , بهدا اليوم قررت انه اعرف خطيبي على صديقي هدا , بس لما مريت من جنب بيته ما شفت سيارته بالبيت, قررت انه ادور عليه بالاماكن الي ممكن يكون فيها .... وصلنا اخر مكان ممكن يكون فيه المكان الي كنت اقعد معه فيه وهناك صار معنا مشكله وما لقيت حدا يساعدنا فيها الا الشاب الي هو صديقي وحبيبي , حكيت معه تلفون وحكتله مشكلتي اجا ليساعدنا وبعدها روحنا كل واحد لبيته ... بس ما خطرلي انه يتدايق من كوني انا وخطيبي بهدا المكان ...

وعدني بعدم تركي

لما اتصلت اتشكره على مساعدته النا , خانقني لانه كنت انا وخطيبي بهدا المكان وحكالي كلام انا كنت اتوقعه من اي انسان بس منه هو لا ... ومن يومها صار يتفادى حكيو معي ما عدنا اصدقاء كيف كنا , مع انه كان واعدني انه ما يتركني ابدا وانه يضل اخوي... بس هو ما وفى بوعده...

قولولي كيف ممكن ارجع علاقتنا كيف كانت قبل حبنا؟؟؟

اذا ممكن أريد حلاً..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il