زجل الحياه حلوَه بَس نفهمها - بقلم:اسماء طنوس

ألله عَطانا هَالدِّني وأبدَع في الجمـال
مصنوعَه من فنّان لَوحات مزَركشِـه
فيها السِّحِــر جـذّاب بيفـوق الخـيــال
نِعمِـه منِ السمـا ألوانا فيـها منَـقَّشِــه
جنِّــةعدن عالأرض بترسمـلك آمـال
لا تخلِّ صورتَك فيها لَوحَه مخَربَشِه
إضحك بتِضحكلك وبِتروقلَك الأحوال
لا تِقَضّ حياتَك باليأس بنفسيِّه مهَمَّشِه
الحياه حلوِه ونِعمِه بتعطي بلا سُؤال
وأنتِ بوَجِه مقلـوب بتشوفا مغَبَّــشِـه
الدِّنيي لَحن ونغم عَزف وهداة البـال
مَتِّع حياتَــك فيـها بتلاقيــها مُنعِــشِـه
بسمِـة صبـاح جديـد بتنـزع المُحــال
أُشكُر إلهَك دوم ولا يسوء ظَنَّك فيـه
ربَّك بيعطي الخير بعطايا مرشرشِـه