كملوا يلا بالهرولة/ بقلم: رانية مرجية

مقهور يا امي

عم بكتب بدمي

علي اغتالوا الوطن

و اغتالوا أحاسيسنا وأغانينا

علي باعوا.. واشتروا فينا

******

باسم الديمقراطية

والأمن

ذبحوها لفلسطين

وشربوا نبيذها

مع زعماءها المأجورين

******

جثث فوق جثث

هناك بغزة .. ونابلس ..ورام الله .. وجنين

ما زالوا يا أمي (بيسكروا)

بجراح ودم أطفال فلسطين

******

رقص .. وحب .. وعهر

وآه

بمؤتمر ال سعود وال حمد

يا الله...

إما سلام .. وحب .. ووجهنه

الله .. الله

عالأسرله

كملوا.. يلا بالهرولة

******

دم الشهيد صرخ.. وين العرب

رد عليهم الحكيم وقال

ما ضل بالدنيا عرب

فيه مسلمين.. ومسيحيين.. ودروز

كلو بحارب كلو

يا سلام صفينا بلا قومية
ملل .. وأديان.. فلتحيا (الصهيونية)

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com