زجل: وَحدَك بتعرف نفسَك/ بقلم: أسماء طنوس

ما حَد فاحـص أفكـارَك__ إلّا ربّ الـعـالــمـيـن
ولا حَد عارف مِقدارَك__ غيرَك سيد العـارفيـن
___________________________
وَحدَك العارف نفسَـك __ لَمّا النّـاس بيِـجهـلوك
نَبْضُ الإحساس يحِسَّك__ والغيرِصَعْب يحِسّوك
دمعُ العيـن لَوْ غَصَّـك __ بدمعاتَك ما بيِرحموك
كل شي إلَك بيخُصَّك __ ما بيخُـصّ الآخَـريـــن
___________________________
إسعَ جاهِد في الميدان__ راح بتلاقي الإنتصار
عنـدَك كَفِّـة الميـزان __ إرفعها صوب الأنظار
إعرِف نفسَك يا إنسان__لا تِــقبـل بالإنـكـســار
لا في فلان ولا علّان__ الكُل بيكونوا مغلوبين
___________________________
بالعَــزْمِ بِتْهـِـدّ جبـال__ لا تْفَكِّر في مُستــحيـل
وبِتْحقِّق كُـل الآمـال__ لَوْ كان مِشوارَك طويل
إسأل نفسَك السُّـؤال__ بِتـلاقي عقـلَــك دلـيـل
قُدّامَك ما في مُحال__ راح تبقى منِ الفائـزين 

المكر

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com