زجل العنف خطِيِّه/ بقلم: اسماء طنوس

بالعنفِ بتخسر ربَّك  بتقـطع الصِّــله مـعـــاه
رب السما اللّي حَبَّك كيــف رايح تبــقى بــلاه

***
بالعنفِ مِثلِ الشّريـر بتبقى ماشي في الضّلال
للشيطان بتكون أسير بيُسكن فيك وفي الخيــال
بتخسر حياتَـك بَكّيـر بتــوصَــل لحالِـــة إذلال
ومالَك سَيْطرَه وتدبير  وما رايِح تِلقى النّــجـاه

***

الله بيِــقـبـل التّـايِـــب  ياللّي بيُطـلــب نــدامِـه
ياللّي كل عُمرُه خايِب  بالتّـوبِــه في ســلامِــه
واللي عن ربُّه غايِب  بلا ديــن ولا كــرامِـــه
بإيدُه المصايِب جايب  بيكون أخفق في رجــاه

***

والعنفِ جابلَك خطيِّه ___ فيّو ما بتــرضي رَبَّــك
بأعـمـالَــك الـرّدِيِّــه ___ بتِغضِـــب الله اللّي حَبَّك
ياللّي مِنّـو العـطيِّــه ___ ما بـتستــاهَــل يــحِـبَّــك
دروبك ما هي سَويِّه___راح تِتـعَثَّــر في الحـيــاه