ضائعة بين الغريب وابن الجيران

وصلت الى موقع العرب، هذه الرسالة من فتاة تطلب نصيحة زوار موقع العرب من خلال طرح مشكلتها.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية، وبدوره يتوجه موقع العرب لزواره الاحباء بارسال تعقيبات جادة وملتزمة دون تجريح ومع الشكر.

السلام عليكم.انا فتاه ابلغ من العمر19سنه وانا حاليا طالبه كليه من اكتر من سنتين تقدم لخطبتي شاب من احدى البلدات البعيدةوطبعا تم رفضه من قبل اهلي لانولسا انا ما كنت خلصت التوجيهي وفكرت انو القصه هون انتهت ولكني اتفاجات انو هالشب نفسو وبعد ما صرت بالكليه رجع تقدملي مرة تانيه مع اني والله العظيم ما بعرفو الا من وقت ما اجا مع ابوه لعنا عالبيت ليحكو مع بابا بموضوع خطبتي لالوما بعرف ليش لفت نظري اهتمام وتمسك هالانسان فيني وعلى فكرة هوي انسان رائع بكل المقاييس وبتصور انو فارس احلام كل بنت بعمري جمال ومال وعيله ومركز المهم انو وقت ما قلت موافقه عليه تفاجات بابن جيرانا باعت اهلو وال انو من زمان متفق مع اخي انو انا لالو وال هوي كتير بيحبني الحقيقه انا كنت بعرف بمشاعرو من ناحيتي لابن جيرانا هاد بس والله والله بعمري ما اعطيتو امل او اي تلميح اني بحبو ابدا ابدا وطبعا بعد ما اهلي وافقو عالشب الغريب ما قدرو يرجعو بكلامن مع الجماعه وبالنتيجه انو انصدم ابن الجيران كتير وحتى كل الي حواليه عرفو انو مرض وانو هالمرض اثر صدمه او هيك شي بعد ما عرف انو انا رح انخطب وما بعرف شو صابني من يومها وحاسه بتانيب ضمير فظيع تجاه ابن جيرانا هاد وبالنهايه انا راضيه بنصيبي مع الشب الغريب بس كمان كل ما بشوف ابن جيرانا بدايق عليه وبضل احاسب نفسي ..بليز احكولي شو رايكن وادعولي اتخلص من هالشعور يلي مدايقني...ولكم خالص الشكر