شرف العيلة /بقلم: زاهد عزت حرش

طُب الجَرَا على تِمّا
البنت بتطلّع لإما
إختك أن طلعِت مشوار
أُقتلها وسيّحلا دما

إختك للشرف مِعّيّار
لازم تفهمها يا حمار
وإن طلَعت مره من الدار
مصيبه لو كشّفِت كِّما

الرُجوله إلها مقياس
عنها إسأل كل الناس
والبنت لآزم تنداس
وأبدًا ما تفتح تِما

كل الصبايا الحلوين
أصل الفتنه وضد الدين
ولازم تعرف يا مسكين
كيف اتضبا وتلِمّا

اذا بنتك أخذت صوره
ومعها شهادة دكتوره
لازم تبقى مستُوره
وتشفلها رجال يّلِما

يا أمة ألله الكبير
شو اللي فيكي عمبيصير
قتل وإجرام وتدمير
ضاعِت ما عرفت إسما