خائفة من إجراء الفحوصات الطبية

وصلت الى موقع العرب، هذه الرسالة من فتاه تطلب مساعدة وارشاد الزوار الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

اول اشي..بدي اكتب بالعامية من شان تفهمو علي. وتاني اشي بتمنى من موقع العرب بانو ينشر مشكلتي اللي ما لقيتلها حل او انو الحل موجود وانا عارفتو بس ما بدي استعملو لانو الخوف مسيطر علي وخايفة من ردت فعل احبابي.. مشكلتي وباختصار شديد باني قبل شهر تقريبا كنت عند دكتوري لاعمل فحوصات روتينية..بعد اسبوع اتصلو فيي من كوابات حوليم وقالو بانو دكتوري بدو اياني..رحت تاني يوم وقعدت قبالو وبصراحة كنت خايفي شوي قالي:كيف ما بايين عليكي بنت ناضجة وواعية وسالني عن عمري واذا كنت مرتبطة..فقلتلو عمري 21 وخاطبة على وشك جيزة..قال مبروك سلف والله يطول بعمرك ..قلتلو تسلم بس شو القصة ولشو هالأسئلة قال راح اقولك بصراحة بدي اياكي تعملي صورة سي تي لانو في شك بانك تكةني مريضة مرض مش منيح... استغربت كتير من حكيو وما عرفت شو احكي وبشو افكر كل اللي عملتو باني طلعت من العيادة وحكيو مش داخل لراسي ولحد اسا مش عم افكر ولا انام من حكي دكتوري ..ما عملت الصورة ولا حكيت لحدا باللي صار معي.. قولولي شو أعمل..مع اني عارفي شو لازم اعمل بس حابي اقرا رايكو يا زوار العرب