تسكني وتلاعب موجات القلب..سيمون

بَسْتَـنَّى فيكي يا مَلاكي ..
تِرْجَعي
مِن سَفْرِتِك
إلْ بين روحي
وْأضْلُعي
تِطْلَعي بَدْر الدُّّّّّّّّّّّّّّّّّّّّّّّّّّّّّّّّّّّّّّّجى
مِنِّّّّّّّّّّّّّّّي إلي
آجي أضُمِّك ..
جُوَّا قلبي تِرْحَلي
وْتِحرميني نِلْتِقي ....
وِانْتي مَعي !! .
***
ألْحَقِكْ
جُوَّاتي وِانْتي تِضْحَكي
تِكْمِشي احْساسي
وَعْدي تْلَبِّكي
وْتِتْقاطَري مِنِّي لَبَرَّا ..
عا هَدى
أرْكُضْ أبوسِك ...
قَبِل ما يِنْفِد حَدا
تُهْرُبي ..
َ ع دْراج قلبي تِطْلَعي.
***
تُسْكُنيني ..
إنْتي جُوَّا مُهْجِتي
حِسِّك بِنَبْضي ..
نَهْدِتِك في رَعْشِتي
حِلْمي بِحِلْمِك يِلْتِقي ..
عَمْ يُُنْشُر عْطور وْنَدى
مِن هَمْسِتِك عا وِحْدِتي،
- طُلِّّّّّّّّّّي عَلَيي
مِن شَبابيك القَلِب
يا شَرِّعي ابْوابو ...
عا جَمْر الهوى
تا تِعْرِفي
مَ احْلى القُبَل بَعْد النَّّّوى
وْتِتْلاعَبي - بْديسْكيك – خَيالي
لُعْبِة فْنون الغِوى
وِتْهيمي في أشْعاري فيكي ...
وْتِهْجَعي.
***
تْسَلَّّّّّّّلْت جُوَّاتي ..
وْمَزَّعْت السِّحاب
عن موج قلبي وْهوج ..
أشْواق العذاب ، .. ،
- تا شوف ليش تْحومري
شْفاف الصَّباح
وْمِن هَواكي هَالبَنَفْسَج ..
مالو فاح..
سَكَّّّّّّّّّّّّّّّّّّّّّرْتي باب القَلْب ..
خَطْفَتْني الرَّياح
طِرْتي وَرايي الرِّيح....
عَنِّّّّي تِدْفَعي.
***
نَعْفَتْنا ريح الشُّّّّّّّّّوق
عَ تْلال القمر
وِجْهي يِرَفْرِفْ فوق وِجْهِك
عَ البَحَر
- دَوَّرْنا عا مَدِّ المَدى
عن روحْنا ...
الْ بِتْطير
لْقينا هوانا عَ النَّّّّّّّّدى
شو حالْتو تِعْطير
قلبي مَعاكي ظَل...
وِعْيونِك مَعي.