شابة: وضعنا المادي صعب جدا وصارت عليّ ديون لا أعرف كيف أسددها!

ابرز ما جاء في الرسالة:

مش عارفه شو اعمل اخر شهر 4 هاد راح يزيدو المبلغ خبروني ل5000 وراح كمان ادفع للمحامي وقصص شو اعمل!!!!!!!!!!!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

بدي استشيركم بموضوع انو تقريبا فتره اشتغلت بمحل ملابس تقريبا 3 اشهر وعملت حالي بحكي لغات بكلمتين احفظتهم حفظ جازفت عشان اهلي ما يرتموا بالشارع وكان وضعنا المادي صعب لهيك روحت اشتغل فما كان الي حساب لاصرف الشيك وحده من الي يشتغلوا معي (الله لا يدلها عالخير) قالتلي افتحي حساب ببنك ففتحت حساب فكان ينزل المعاش عالحساب مدة شهرين وكل شي تمام بعدين وقفت عن الشغل لانو طردوني لانهم عرفوا انو ما بحكي احكي مع الزباين، وانا ما بعرف انو بنزل عمولات وبتراكم ديون وما سكرت لحساب ما حسبتها هيك.

اتدينت من البنك شي 2500 شيكل وقالولي معك سنه لتسدي قلت بكون ملاقيه شغل ومتغيره الاحوال روحت اخد دورة لامشي حالي والبنك بشتغل شغلو من وراي زايدين علي عمولات ووصل المبلغ لل 3000 شيكل وغير هيك بدهم يبعتوا وراقي عمحامي ومش عارفه شو اعمل اترك دراستي الي هي اساس الحياه هاي الايام واشتغل عشان اسد الديون ؟ ولا شو اعمل ؟؟ حكيت لابوي ووضعوا التاني اصعب والله مش عارفه شو اعمل وما في حدا بقربلي لا خوال ولا عمام زي الاوادم ...........مش عارفه شو اعمل اخر شهر 4 هاد راح يزيدو المبلغ خبروني ل5000 وراح كمان ادفع للمحامي وقصص شو اعمل!!!!!!!!!!!

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net