انا قلت اني نسيتك

انا قلت اني لقيت غيرك ونسيتك          كمان قلت اني حبيت غيرك مليون
وقلت خلاص انا بعتك وماشريتك        والشعراء يقولون مالا يفعلون
لا تصدقني لو قلت في يوم نسيتك        والله ما نسيتك ولاهم يحزنون
ما نسيتك لكن اعترف اني جفيتك         جفيتك وجرحتك لأني فيك مجنون
عملت هيك عشان تحس اني هويتك      والظاهر اني زودتها وصرت امون
والكل يحسب اني كرهتك ونسيتك       وانا اسى بديت بحبك ومايدرون
انا فتحت عيني في الدنيا ولقيتك         والحب الوحيد في حياتي ما يهون
أكيد مستغرب ليه انا اليوم جيتك        لا تستغرب واحسن فيي الظنون
يالله عاد اضحك وابتسم فديتك           انا وقلبي وكلي فدوه لهالعيون
انا اعتقد بهاي القصيدة راضيتك         عشان تعرف قديش انا قلبي حنون
بس لا تنسى اني قلت حبيتك            والشعراء يقولون مالا يفعلون
يعني يمكن اني كرهتك ونسيتك         ويمكن ما حبيتك ولاهم يحزنون

لإرسال مواد أدبية وشعرية وخواطر وصور عائلية لمناسباتكم وأفراحكم وصورعجائب الرجاء تحويلها إلى البريد الالكتروني التالي، وهو البريد الخاص بالمنتدى:
montada@alarab.co.il