شابة: إعترف لي أنه متزوج وأب لطفلين بعد أن عيشني أجمل الأحلام

 أبرز ما جاء في الرسالة:

حبيت واحد وهو حبني (على حد قولو) وكان الحب بيننا عميق بس العلاقة ما كانت واضحة كتير

أجالي بعد سنين حكالي اني " أنا ما عدت أعذبك أكتر من هيك انا متزوج وعندي طفلين" وهاي الجملة دمرت حياتي كلها !

مع كل هاد أنا بتمناله السعادة من كل قلبي ومش راح أكون هاي البنت اللي بتخرب زواج وعائلة مؤسسة وفيها أطفال! ولا راح أعمله مشاكل! الله يسامحه ويوفقه ببيته!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة كالتالي:

أنا بنت قصتي دمرتني، وبدي أحكيلكو إياها، بس عشان تساعدوني! أو بالأحرى تخففوا عني من خلال تعقيباتكوا.. وتهونوا وجعي الي معزبني وموجع قلبي! قصتي إني حبيت واحد وهو حبني (على حد قولو) وكان الحب بيننا عميق بس العلاقة ما كانت واضحة كتير،  لأسفي الشديد أنه أجالي بعد سنين حكالي اني " أنا ما عدت أعذبك أكتر من هيك، انا متزوج وعندي طفلين" وهاي الجملة دمرت حياتي كلها !

طب مهو كان عارف من الأول انه متزوج وعندو طفلين ليش عذبني معه وليش علقني فيو؟!!! مرات بصير أقول " يا ريتو ما حكالي الحقيقة" قتلني جرحني موتني مش عارفة أعيش ولا أتنفس!!!!! مع كل هاد أنا بتمناله السعادة من كل قلبي، ومش راح أكون هاي البنت اللي بتخرب زواج وعائلة مؤسسة وفيها أطفال! ولا راح أعمله مشاكل! الله يسامحه ويوفقه ببيته! بس اسا أنا !!! أنا ؟؟؟ شو أعمل بحالي ؟! كيف بدي أرجع أثق بالشباب؟ كيف بدي ألملم نفسي؟ وكيف بدي أتغلب ع وجعي وألمي؟!! شكرا للموقع الي بخلينا نعبر عن آرائنا .... بترجاكو بلاش تعليقات تافهة أو  محرجة..... 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net