شابة (23 عاماً): أحبه بجنون لكن خجلي منه سيدمر علاقتنا

أبرز ما جاء في الرسالة:

السبب الرئيسي انه انفصل عن شريكي هو انا!

قلي "انا مش راح اكلك" بس اعطي حالك فرصة تتعرفي علي برا اطار التعليم

بلشنا نحكي مع بعض تقريباً قبل 3 اشهر الشاب كتير منيح وبجنن وانا بموت فيو  ومش حابة اخسره

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

هاي،،، بليز بدي تساعدوني بمكشلتي.. لانه بجد صارت حياتي العاطفية مههدة بالخطر ..
انا صبية عمري 23 سنة، مرقت بكتير تجارب عاطفية، منها عابرة ايام المراهقة، ومنها كانت هادفة لحياة زوجية منيحة في المستقبل. وكل مرة بتكون المشكلة فيي ، والمشكلة اني كتير بستحي من حبيبي، لدرجة مش طبيعية. 

 
صورة توضيحية

والسبب الرئيسي انه انفصل عن شريكي هو انا!!
في علاقتي الحالية، مع شاب واللي بلشنا نحكي مع بعض تقريباً قبل 3 اشهر، الشاب كتير منيح وبجنن وانا بموت فيو ، ومش حابة اخسره، بس انا ما بعرف ليش بستحي، وبرفض كل طلباته، متلا رفض هدية عيد الحب، ورفضت نطلع مشوار مع بعض، ورفضت يعزمني على مطعم، ورفضت نحضر فيلم في سينما.. وكتير شغلات رفضتها. يعني انا وياه ما منشوف بعض الا في التعليم.. وهو صار يمل مني.
واكتر من مرة قلي "انا مش راح اكلك"، بس اعطي حالك فرصة تتعرفي علي برا اطار التعليم. وكل مرة بقولي نفس الحكي وانا بيني وبين حالي بغدرش اتخلص من خجلي وهو سبب عائق قدامي.

شو اعمل .. وكيف اتصرف.. انا مش بنت صغيرة ولا مراهقة، ومهم الي احافظ على هاي العلاقة، لانه بدي ارتبط بشكل رسمي بهذا الانسان لانه عاجبني.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net