شاب:كلما ارتبطت بفتاة وإتفقنا على الزواج أتعرف على أخرى وأقع في غرامها
أبرز ما جاء في الرسالة:
مشكلتي بلشت من سنتين تقريبا.. وقتها قررت أنه لازم أرتبط بعد ماخلصت تعليمي بنجاح وبلشت أول شغل، حسيت أنه انا واعي ومش لازم أكون زي شباب هالايام
كل فترة بتعرف على صبية بحبها كتير وبتعلق فيها وبتتعلق في بس فجأة بتفوت على حياتي وحدة ثانية وبخرب كل المخططات والمشاريع بالارتباط !! صرت جارح كثير بنات بس مش بقصدي والله
وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة كالتالي:
أنا شاب عمري 25 متعلم وناجح وبشتغل وربنا مكملها معي من كل النواحي، الا من ناحية وحده! بدي أعرض عليكو مشكلتي وبتمنى تساعدوني وتفهموني لأنه مش عارف شو أعمل وصرت أشك بحالي وبتصرفاتي هاي.
صورة توضيحية
مشكلتي بلشت من سنتين تقريبا.. وقتها قررت أنه لازم أرتبط بعد ما خلصت تعليمي بنجاح وبلشت أول شغل، حسيت أنه انا واعي ومش لازم أكون زي شباب هالايام بيوخدو وقت طويل بالارتباط! انا متعلم وبشتغل ليش استنى ؟؟؟ أهلي كثير انبسطوا وبلشت أدور ع البنت المناسبة وفعلا هيك صار.. قابلت كتير بنات وكتير منهن عجبوني واخترت وحده منهن وحكينا واتفقنا ع الارتباط . بس المصيبة كانت بعد 3 أشهر من الارتباط أنا تعرفت على صبية بالصدفة عن طريق وحدة بتقربلي وتعلقت فيها وصرت أحكي معها فحبيتها وقررت أترك الولى ...
مشكلة مستمرة
وبعد فترة تكرر نفس الفلم تعرفت على زميلة جديدة فاتت على الشغل اللي أنا فيه وحبيتها وتركت اللي قبلها... وبعدها بأكم شهر تعرفت على وحده ثانية وهيك حياتي مكملة !!!! كل فترة بتعرف على صبية بحبها كتير وبتعلق فيها وبتتعلق في بس فجأة بتفوت على حياتي وحدة ثانية وبخرب كل المخططات والمشاريع بالارتباط !! صرت جارح كثير بنات بس مش بقصدي والله !! شو أعمل ؟؟ شو سبب هالحلة والله أنا نيتي منيحة وبديش أسبب بأذى لحدا.. شو أعمل؟؟!!؟؟
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net