شابة: إخوتي يهينونني ويعذوبنني ويضربونني ويحرمونني من الحرية

أبرز ما جاء في الرسالة:

بفكر اهرب من البيت بس لوين اروح وشو راح يصير في غير العذاب ...

انا انسانه وبحاجه لحنيه وعطف بحاجه لانسان يحسسني بلاهتمام ويحميني انا ما بدي من هالدنيا لا مال ولا مالكات

بعاني مع معامله اخوتي القاسيه معي اخوتي بهنوني كثير وما بيحترموني بلمره بتوصل لدرجه انو كثير بمدو ايدهن علي

حرموني من التعليم من الشغل والحريه بشكو كثير فيي مع انو ثقتي بنفسي قويه وبعرف حاله انو ماشي بطريق صح والحمدالله

والمشكله الاكبر انهن ما مصدقين ايمتا يتخلصو مني ويجوزوني لاي شخص المهم اتجوز وكثير بعايروني كلامهن بزعج وبهد الصخر مع انو انا حلوه وسمعتي بين الناس مليحه

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم ...انا حابه احكي مشكلتي لأفضفض شوي لانو تعبانه كثير من هالحياه لدرجه انو كثير بفكر بلموت لانو يمكن الحل الوحيد والمريح لمشاكلي انا صبيه عمري 21 من منطقه الشمال مشاكلي كبيره وهمومي اكثر.

 
صورة توضيحية

وحيدة في عالم قاسٍ
بعاني مع معامله اخوتي القاسيه معي اخوتي بهنوني كثير وما بيحترموني بلمره بتوصل لدرجه انو كثير بمدو ايدهن علي وبسمعوني حكي ما بيتحملو اي انسان كثير عملت وبعمل معهم منيح بس ما ببين انا وحيده بهالحياه اهلي متوفيين تركوني للعذاب وبين ايادي ما بتعرف الرحمه والشفقه والحنيه كثير تعبانه ويأسانه وموجوعه ويا ريت حدا حاسس بلي جواتي بشكي بس لربي لانو الشكوى لغير الله مذله ما بحب ابين لصحباتي اني بهيك وضع وانو بعاني من قسوه الاخوه ببينلهن اني مبسوطه لانو ما بحب اتلقى الشفقه من الناس ... وفوق هيك محدا بيسال عنا لا اهل امي ولا اهل ابوي وما بزرونا بلمره كل واحد لمصالحو.
 
أحتاج لاهتمام وحماية
انا انسانه وبحاجه لحنيه وعطف بحاجه لانسان يحسسني بلاهتمام ويحميني انا ما بدي من هالدنيا لا مال ولا مالكات بدي ارتاح نفسيا واحسن للحظه واحده اني مبسوطه -والمشكله الاكبر انهن ما مصدقين ايمتا يتخلصو مني ويجوزوني لاي شخص المهم اتجوز وكثير بعايروني كلامهن بزعج وبهد الصخر مع انو انا حلوه وسمعتي بين الناس مليحه وبحياتي ما خرجت عن طوع ربي وأغضبته انا عفيفه بس ما لي حظ بهالحياه زهقت من هيك وضع ومعامله ما بيمرق يوم علي على خير صرت عصبيه اكتر من اللازم ونفسيتي عم تنهار بفكر اهرب من البيت بس لوين اروح وشو راح يصير في غير العذاب ...حرموني من التعليم من الشغل والحريه بشكو كثير فيي مع انو ثقتي بنفسي قويه وبعرف حاله انو ماشي بطريق صح والحمدالله يا ترى هل من حل لمشكلتي انا كثير تعبانه وبطلب من الله يصبرني ....

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il