مروه سويلات تكتب:كان حبك عبر منبر العرب
كنا بيوم عشاق
كنا بيوم عشاق
ضيعنا الهوى وعجبنا الفراق
بالحظة جفا وصلنا لمطرح النفس فية صار اختناق
حتى ورود المحبة ارتمت على ارض كلها اشواك ,
ونامت بين احضان منعتها من الاستنشاق
ومشينا عالطريق ناس باعوا الحب ونسيوا الاشتياق
كنا بيوم عشاق
سهرنا كتير وعيونا تعبت من الارهاق
والروح دابت كانها شمعة احتراق
لوع الحب قلوبنا حتى وصل للاعماق
كنا بيوم عشاق
حتى ذكرى الحب صارت اليوم مجرد اوراق
ودار علينا الزمان ومحى كل شي براق