عمرو السعودي من على صفحات العرب:ولسه باقيه حاجات
ياكل معني ساعنا ومنعنا
ياكل فكره وانتهت ذكري
مايهمنيش اذا كان حدودي براح
ويهمني اذا كان وجودي وطن
ان لسه شاعر والمشاعر وجع
والقافيه حافيه في زمان اتفجع
انا لسه غاوي البص عالماضي
مع اني لسه في احتمال اليوم
يا كل شئ كان حر بات ملزوم
مايهمنيش السجن في الاحلام
ياكل عام واتخصخصت ناسه
انا لسه باحكي عن جدود آسوا
ياكل كائن حي عاش او مات
الارض برحه والوطن بالذات
انا لسه باحكي عن جيوش خواجات
سرقت حاجات منه
ولسه باقيه حاجات
!!!
البرازيل