بعد أن أخبرت عائلتي بأنه سيزورنا مع أهله لطلبي للزواج أعلن خطوبته

أهم ما جاء في الرسالة:

أهلي موافقين وبينتظروا الامتحانات تتنتهي علشان نحدد موعد لزيارته مع عيلته

بس شافني توتر وبس مديت ايدي اسلم عليه كان بايده خاتم، واعترفلي بعدين انه خطب وانه ما بدوا يحكي

انا بطلت اقدر اصدق اي شاب بحاول يتقربلي وما عم بقدر اركز بحياتي زي الاول ابداً ابداً ، كانت حياتي مليانة حيوية واسا صارت دبلانة

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

أنا طالبة جامعية من الشمال، في السنة الثالثة في الجامعة، في السنة الاولى تعرفت على شاب بيتعلم موضوع مختلف عني، وبديت العلاقة تتطور بيننا لدرجة بطلت اقدر ابتعد عنه، حبيته وحبيت شهامته، وحبيت انه بيفهمني وبيحترمني، كان يقدملي كل شي بتمناه، وبعد سنتين من التعارف قررنا أنه نرتبط بشكل رسمي، وحكيت لأهلي عن الشاب ووافق والدي انه يقابله ويقابل عليته بالرغم من أنه مش من نفس البلد ووالدي ما ارتاح كتير للموضوع.


صورة توضيحية

وبعد ما خبرته أنه أهلي موافقين وبينتظروا الامتحانات تتنتهي علشان نحدد موعد لزيارته مع عيلته، بلشت المشكلة، فبعد ما انتهت الامتحانات غاب ليومين عن الجامعة، وبديت اتصل فيه ما كان يرد على اتصالاتي، وفي يوم كنت عم براجع بعض الامور في الجامعة شفته، فرحت لعنده وانا عم بحاول اتزانخ عليه وافرجيه اني معصبة علشان هو غاب هاي الفترة، وانا كنت قلقانة عليه.
بس شافني توتر وبس مديت ايدي اسلم عليه كان بايده خاتم، واعترفلي بعدين انه خطب وانه ما بدوا يحكي بهذا الموضوع ولا بده يحكي معي، انا كتير بكرهه وحاقدة عليه، واكيد ما بدي اياه يرجعلي، بس بدي ارعرف ليش هيك عمل، شو صار لحتى تركني هيك.
انا بطلت اقدر اصدق اي شاب بحاول يتقربلي وما عم بقدر اركز بحياتي زي الاول، كانت حياتي مليانة حيوية واسا صارت دبلانة برجع من التعليم بسكر باب غرفتي وبقعد، ما بشارك بشي واهلي لاحظوا مع انهن تفهموا انه هو ما اجى وقالولي انه هو الخسران بس نفسي اعرف السبب... أريد حلاً.. 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il