صديقي المقرب عرض علي شقيقته للزواج بعد ان كان السبب بتركي لحبيبتي..

- ابرز ما جاء الرسالة:

* انا شاب متعلم..احببت فتاه لحد الجنون وانفصلنا بعد تشجيع الكثيرين ومنهم صديق عمري 

* قررت ان اتزوج وفوجئت بصديق الحميم يعرض علي اخته للزواج ويقنعني بصفاتها وادابها وكم يتمنى ان اكون زوجا لها

* راجعت نفسي وقراراتي الف مرة وثارت في الظنون بان يكون سبب هجري لحبيبتي هو صديقي الذي كان يهدف تزوجي لاخته

* صدمني طلبه وطار عقلي فكيف لاخ ان يعرض اخته للزواج وبهذه الطريقة..بالرغم من جمالها واخلاقها ولكن استرخصت فكرة الزواج منها وشعرت بقلة قيمتها  

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب انا شاب عمري 27 عاما متعلم حبيت صبية من فترة وكنا بعلاقة حب ما بتوصف لدرجة انو الجميع حسدنا عليها, بس تدخل الغرب بيني وبينها عملنا مشاكل كبيرة كنا نحاول نحلها بس بالنهاية وصل الوضع لمشكلة كتير كبيرة بتخص علاقتنا وارتباطنا وما بدي اخبي سمعت اكتر من شخص عن تصرفاتها بغيابي وبالاخص اقرب صديق لي هو الي فهمني وحاول يوعني على حد قولو وينصحني انو انا وهي غير ملائمين لبعض.
زادت المشاكل لحد ما اقتنعت اني ما بدي ارتبط فيها بسبب كثرة المشاكل وقلة الحلول الي وصلتنا بالنهاية لطريق وحده وهي انو نفترق عن بعض . صديقي القريب الي كتير ساعدني وحاول يطلعني من هاي المشكلة وساندني كتيير وما تخلي عني ولا لحظة .

صورة توضيحية

لحد ما اجى القت وقررت اني بدي ارتبط بانسانة تحمل كل معاني الزوجة الخلوقة والجميلة والمتعلمة وطبعا اهلي شجعوني على القيام بهاي الخطوة .بس المفاجأة الكبيرة كانت لما صديقي القريب واعز اصحابي عرض علي اختو, وقلي اذا انت جاد على موضوع الزواج فأنا أعرض عليك اختي وانت مليون عائله تتمنى أن ترتبط بأبنتهم , وانا ما راح الاقي احسن منك لاختي لانك قريب الي وبعرفك , الصراحة انصدمت وطار عقلي مني وما صدقت كيف هو طلب مني هيك ايشي . يعني في واحد بيعرض اختو للزواج بهيك طريقة ومن مين من اقرب الناس الو ,اختو بنت حلوة ومش ناقصها ايشي بالعكس بس طريقة عرضوا لللموضوع صدمتني وللصراحة اكتر راجعت حالي والي صار معي وفكرت هل هو ايدني اني اترك حبيبتي لانو كان حاطط هادا الموضوع براسوا ومخططلوا ؟ وهل مزبوط انو هو نيتو منيحة قصدوا غي انو يساعدني اطلع من الهي انا في ؟ افكاري تعبتني كتير وخايف اظلموا بتفكيري ومصدوم من فكرتوا حتى اني فكرت انها ممكن يكون مالها ايشي او في عندها ايشي معين لحتى يفكر انو يعرض علي هيك عرض! ويا ترى من وين بدي اعرف اذا هو ما عرضها على غيري ؟ وفكرة الزواج من اختو بالرغم من جمالها واخلاقها بس فكرة عرضو رخصت نظرتي لالها ونزلت قيمتها من عيني.. ساعدوني هل ارفضها واخجل صديق عمري ؟ او افكر بالموضوع بشكل جدي وما اظلموا واظلم تفكيري وطلبوا مني ؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il