أحب بنت صفي وأخاف من أن تعتبرني بمثابة أخ لها! فهل أصارحها بمشاعري؟

 - أبرز ما جاء في الرسالة:

*إنا وبنت صفي مندل مع بعض وانا برتاح معها كثير لأنو هي إنسانه قلبها طيب وبتفهمني كثير

* قلت لصاحبي عنها قلي انو عيب تقلها لانها بنت صفك وزي اختك واذا اعترفتلها بحبك يمكن ترفضك وبهاي الحالة علاقتكوا راح تتأثر

* انا محتار اذا اعترفلها بحبي احتمال تقبل لانو احنا دائما مع بعض وهي قلبها فاضي وبنفس الوقت بترتحلي كثير وفي احتمال ترفض لانو يمكن بتعتبرني زي اخوها

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

الرسالة كالتالي:
إنا شاب عمري 17 سنة مشكلتي بصراحة انو إنا وبنت صفي مندل مع بعض وانا برتاح معها كثير لأنو هي إنسانه قلبها طيب وبتفهمني كثير من جديد صرت أحس حالي معجب فيها وبتصرفاتها لدرجة إني عمال افكر فيها كثير صرت احس انها ماخدة وقت كثير من حياتي.
قلت لصاحبي عنها قلي انو عيب تقلها لانها بنت صفك وزي اختك واذا اعترفتلها بحبك يمكن ترفضك وبهاي الحالة علاقتكوا راح تتاثر وما راح ترجع زي الاول .

صورة توضيحية

انا اسا محتار اذا اعترفلها بحبي واحتمال تقبل لانو احنا دائما مع بعض ومنحكي لبعض كل اشي وكمان هي قلبها فاضي وبنفس الوقت بترتحلي كثير وفي احتمال ترفض لانو يمكن بتعتبرني زي اخوها وبهاي حالة علاقتنا ما راح ترجع مثل الاول وهيك انا بكون خسرت اكثر انسانة بتفهمني .
انا محتار كثير يا ريت الكل يوخد موضوع بجدية وينصحني بتمنى تنشروا رسالة موقع العرب.

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il